Hangtod sa pagkakaron,wala pa mikasa sa hagit ni 1st district Congressman Diego NONOY Ty si 2nd district congressman Henry Oaminal nga usa ka public debate o paghagit sa debate nga magdinayganay sa ilang tagsa-tagsa ka mga opinyon maykalabotan sa isyu nga gibato kang Ty gikan sa pipila ka membro sa sanguniang panlalawigan.
Tumong ni Ty nga masayud ang mga katawhan nga musaksi unya sa maong debate nga ug unsa ang labing tinood nga hitabo ilabi na nga giisyuhan siya nga nalambigit sa kurapsyon sa mga infra project sa unang distrito sa Misamis Occidental.
Matud pa nga mugawas ug kinsay tinood nga nagsulti sa kamatuoran kay sumala pa ni Ty nga pulos lamang kini black propaganda nga ugat hinungdan ang umaabot nga election. Gusto matod pa nga tubagon ni Ty ang mga isyu nga gipaagi usab sa post sa social media,ug mga radio ug local Tv program.
Aminado si Ty nga lupig siya kung pa tas-anay ug serbisyo tungod kay una palang termino niya pagka congressman kompara ni Cong. Oaminal nga kasamtangang deputy speaker ug usa pa ka abogado. Apan sa ingon niini nga pamaagi iyang gihagit kay gusto niya nga mulugmaw ang tinood ug dili ipaagi sa tinalawan nga pamaagi.
Samtang kung ugaling suklan ni Oaminal si Ty sa usa ka public debate gusto niini nga e host kini sa nagkadaiyang sector ug sinaksihan sa daghang Misamisnon aron actual nila mga masayran ang kamatuoran ug si kinsa ang kurakot kanila.
Kahibaluan nga nalambigit sa maong pasangil ang pangalan ni bord member Alay Ala, kinsa usa sa nangusog nga imbestigahan ang giingong kurapsyon sa mga proyekto ug ingong pagmanipula sa bidding sa mga proyekto sa unang distrito sa Misamis Occidental.
Dugang pa ni Ty nga kung ugaling dili siya mukasa sa hagit nga debati nagpasabot nga talawan matod pa si Oaminal ug walay kamatuoran ang iyang isyu nga nang gamit matod pa ug laing tawo.(Donyor Canillas)