Nadugangan ug 365 ka mga bag-ong kaso sa Covid-19 ang Central Visayas.
Labing daghan sa mga bag-ong kaso ang gikan sa dakbayan sa Sugbo nga adunay 120 ka kaso, 104 sa Bohol, 68 sa Probinsya sa Sugbo, 38 sa Lapu-lapu City, 31 sa Mandaue City ug tag duha gikan sa Negros Oriental ug Siquijor.
Tungod sa mga bag-ong kaso, misaka na sa 79,950 ang kinatibuk-ang kaso nga natala sa rehiyon diin 9,311 na ang mga aktibo.
Adunay nadugang nga 431 ka mga bag-ong naayo gikan sa sakit maong misaka na sa 68,305 ang total recoveries.
Samtang napun-an usab ug pito ka namataya nga pulos gikan sa Probinsyas a Sugbo hinungdan nga ang total covid-19 related deaths, anaa sa 2,334.