KALIBO, AKLAN—Humampak eon sa 100 do nailistang COVID-19 related deaths sa probinsya it Aklan.
Raya hay matapos madugangan it tatlo kahapon sandig sa datos it Aklan Provincial Epidemiology and Surveillance Unit (PESU) kung siin tanan do mga raya hay hatapnan sa nauna eon nga nagpositibo sa deadly virus.
Samtang, sumaka man sa 4,283 do kabilugan nga kaso sa probinsya matapos makalista it 60 panibagong kaso ag umabot man sa 3,361 do mga nagmayad matapos dapuan it COVID-19 infections. // SHERRY ANNE REUNIR-VIDAL