Kinumpirma ng Philippine General Hospital (PGH) na sila ay nag-ooperate ngayon ng lampas sa kanilang capacity na inilaan para sa mga pasyente ng COVID-19.
Ayon kay PGH spokesperson Dr. Jonas Del Rosario, mayroon silang halos 320 COVID beds para sa COVID-19 patients kung saan, 310 ang mga pasyente ngayon sa ospital, at may 40 pasyente pa sa emergency room na naghihintay na na makapasok.
Maliban dito, may halos 200 pang infected individuals ang naghihintay ngayon ng admission sa isa sa major referral facilities ng bansa.
Dahil dito, aminado si Del Rosario na imposibleng ma-admit ang lahat na mga pasyenteng ito na nasa waitlist, lalo’t maraming mga COVID-19 patients a kasalukuyang naka-admit bilang severe hanggang critical cases na nangangailangan ng mas mahabang panahon na manatili sa pagamutan.