Subling misaka sa 66.5% ang critical care utilization rate sa dakbayan sa Sugbo.
Mao kini ang resulta sa gihimong monitoring sa Department of Health, bisan paman ug hinay-hinay nang mi ubos ang aktibong kaso sa nanglabay nga adlaw.
Gibutyag ni Cebu City Emergency Operations Center deputy chief implementer, Cebu City Councilor Joel Garganera nga ni-ubos na ang natalang bag-ong kaso apan, nagpabilin kini sa three digits ug gikan sa 20% nga positivity rate, mi ubos kini sa 12.06%.
Giangkon ni Garganera nga nabalaka siya sa pagsaka sa critical care utilization rate diin anaa lang unta kini sa 60%.
Niining kasamtangan, adunay upat ka tambalanan sa syudad ang subling anaa sa critical level.
Subay niini, padayong nanawagan si Garganera sa publiko nga padayong magbinantayon ug mosunod sa gipatuman nga health protocol.