Walay nakitang sayop ang Department of the Interior and Local Government-DILG XI sa ipatuman nga Mandatory COVID-19 vaccination sa lokal nga panggamhanan ning syduad sa Davao.
Sumala kang DILG XI Regional Director Alex Roldan sa pakighinabi sa Brigada News FM-Davao, gisaysay niining dunay katungod magpatuman sa maong polisiya ang City LGU isip kabahin sa ilang rules.
Gitino ni Roldan nga isip kabahin sa patakaran sa employer kinahanglan musunod ang mga trabahante sanglit tuyo niini mao ang paghatag og proteksyon sa mga empleyado nga responsibilidad sa local nga panggamhanan.
Sayod ang opisyal nga katungod sa usa ka indibidwal nga mubalibad base sa gitakda sa batakang balaud apan dili usab mamahimong supakon ang gipatuman nga polisiya sanglit gihuna-huna lamang niini ang ginatawag nga “self preservation” ug protection sa usa ka trabahante ilabi na nga lahi karon ang sitwasyon tungod sa pandemya.
Gipanalaminan usab niini ang pagkuha og mga clearances sa mga trabahante nga magpamatood walay criminal record, ug kung dunay criminal record dili dawaton.
Gitataw sab sa opisyal nga dunay kagawasan ang ubang mga LGU’s kung magpatuman og susamang patakaran pinaagi sa paghimo og kaugalingon nila nga polisiya.
