BICOL –PIGKAKARKOLONG maabot salabi kwatro sientos na mga miyembro kan Indigenous Peoples (IP)gikan sa man iba ibang parte kan rehiyon an matryaumpong naisairarom sa serye nin agricultural trainings sa pangengenot kan Department of Agriculture o D.A-Bicol.
An mga partisipante an naggikan sa sa mga provincial kan Albay, Camarines Norte, Camarines Sur asin Sorsogon kun saen naka sentro an nasabing mga trainings sa crops asin livestock production bilang parte kan implementasyon kan Kabuhayan at Kaunlarankan Kababayan na Katutubo o 4Ks Program.
Segun sa ahensya, isinagibo an nasabing mga training bilang simbag sa pangapudan kan IP communities sa D.A-Bicol asin National Commission on Indigenous Peoples (NCIP).
Sa banwaan kan Tiwi sa Albay,pigkakarkolong nasa singko mil na mga IPs an nakaistar sa nasa labi un mil kwatro sientos na ektaryang daga. Siring man dakulang parte kan nasabing daga an dai napapakinabangan dahil sa kawaran nin tultol na kagamitan asin kasanayan pag abot sa livelihood asin farming.
Positibo an Agricultural Office kan banwaan na makakatabang an nasabing mga ptraining asin iba pang interventions siring kan pananao nin mga kagamitan, pananom asin abono tanganing maging produktibo an ancestral domains kan mga katutubo.
Mantang parehong training man an isinagawa sa mga banwaan kan sa Jose Panganiban sa Camarines Norte ,banwaan kan Sagñay asin Tigaon, Camarines Sur; asin mga banwaan kan Donsol asin Bulusan Sorsogon.
An 4Ks iyo an special program kan D.A na binilog tanganing matabangan an mga miembro kan IPs na magkaigwa nin kabuhayan sa paagi kan pagtatao sa mga ini nin tamang giya asin interventions.
Photo courtesy: Agriculture-Bicol