Patuloy ang ginagawang paghahanda ng Department of Agriculture (DA) kaugnay sa napipintong krisis sa pagkain sa bansa.
Ayon kay DA Secretary William Dar, mararanasan ang food crisis sa bansa sa ikalawang semestre ng taon dulot ng COVID-19 pandemic, nagpapatuloy na tensyon sa pagitan ng Ukraine at Russia at dahil sa walang tigil na pagtaas ng presyo ng mga produktong petrolyo.
Dahil dito ay hinahanda na nila ang directional plan na kinabibilangan ng “three stages”.
Ito ay ang rebooting ng agrikultura para sa “recovery and growth, resilient, and sustainable agriculture na nilalaman ng National Agriculture and Fisheries Modernization and Industrialization (Plan).
Giit nito, kailangan lamang na maglaan ng sapat na pondo para sa ahensya para matugunan ng maaga ang napipintong kakulangan sa pagkain.
Sa pamamagitan anya nito ay magkakaroon ng mga programa para mapataas ang produksyon sa iba’t-ibang produktong pang-agrikultura.