Dali na nga matubag ang mga panginahanglanon sa mga apektadong pamilya ug indibidwal sa pagbaha pinaagi sa Quick Response Fund (QRF) karong gipailalom na sa State of Calamity ang Davao de Oro.
Sa rekomendasyon sa Provincial Disaster Risk Reduction and Mamanagement Council sa Sangguniang Panlalawigan, gipalabang ang maong resolusyon nga nagdeklarang State of Calamity sa tibuok probinsiya sa Davao de Oro gumikan sa grabeng pagbaha ug mga pagdahili sa yuta nga hatod pa gihapon sa shear line.
Sa pinakahuling datos sa PDRRMO, anaa sa 51,140 kapamilya o 182,653 indibidwal ang apektado sa tibuok probinsiya.
Samtang ang damyos sa agricultural sector anaa sa kapin 5,000 hectares o pagkalugi sa produksyon nga muabot sa kapin P130Million sa kapin 3,700 ka mga mag-uuma og mananagat.
Gituohan nga mas mutaas pa ang maong ihap sa musunod nga mga reports gikan sa mga munisipalidad.