GIBISITAHAN ni Department of Environment and Natural Resources kun DENR Sec. Roy Cimatu ang Tampakan miaging semana aron ipadangat ang plano sa gobyerno kalabot ang pag-abli sa minahan sa maong lungsod nga gipadagan sa SMI.
Segun kang Tampakan Mayor Leonard Escobillo nga kauban sa maong panagtagbo ang mga taga SMI, mga opisyal sa DENR sa rehiyon ug sa mga DENR undersecretaries.
Gibutyag usab matud pa kanila ni Cimatu ang planong pag-operate sa minahan sa Tampakan aron adunay magamit nga kwarta alang sa nagpadayung pandemya ug aron adunay ikabayad sa nagkadako nga utang sa nasud.
Adunay gihimong presentasyon ang taga SMI ug sa katapusan sa Marso o unang semana sa Abril subling mobalik sa lugar si Sec.Cimatu aron makita ang mining site. Sa bahin ni Escobillo, andam siya musunod sa plano sa national government kung ipamugos kanila ug karon may himuon na matud pang preparasyon sa posibleng mga unforeseen calamities nga muabot.