Halos 1,500 na kaso ng human immunodeficiency virus o HIV ang naitala ng Department of Health noong Enero.
Batay sa pinakahuling datos ng DOH, may kabuuang 1,454 na kaso ng HIV ang naitala noong Enero. Ang average na kaso bawat araw sa nasabing buwan ay nasa 46.
Tatlumpu’t siyam naman ang naitalang namatay dahil sa impeksyon sa HIV.
Sinabi ng DOH na ang mga rehiyon na may pinakamaraming bilang ng mga bagong naiulat na kaso ay mula sa National Capital Region (397), Calabarzon (233), Central Luzon (194), Central Visayas (94), at Western Visayas (91).
Sa kabuuang HIV infection noong Enero, 86 na kaso ay nasa edad 19 pababa, 79 na kaso ay mga kabataan na may edad 10 hanggang 19 habang pitong kaso ay mga bata na wala pang 10 taong gulang.//CA