Nadismantol sa mga sakop sa Regional Special Enforcement Team sa Philippine Drug Enforcement Agency Regional Office XI ang drug den sa Nazareno Street, Barangay 76-A, Bucana, Davao City.
Sa report sa PDEA-XI, nadakpan ang usa ka Jovani Igbalic, 37 anyos, minyo, drug den maintainer human napalitan og balor. 12,000 pesos nga shabu.
Lakip giaresto ang upat ka parokyano nga giilang sila si Melodia Igbalic, Zito Emactao, Faizal Fernandez ug Robert Loui Miguel Zaragosa.
Narekober ang dugang pa nga tulo ka pakete sa droga motimbang og 14 gramos mokantidad og Php. 210,000.00 ug ubang drug paraphernalia.
Paglapas sa Section 5 (Sale of Dangerous Drugs), Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings), Article II of Republic Act 9165 kon Comprehensive Dangerous Drugs Act of 2002 ang ipasaka batok kanila.BNFM-DAVAO
