Padayon gihapon ro pag-usoy sa eaeaki nga naka-motorsiklo nga nagpangdakma it dughan it babaye sa Balabago, Jaro.
Base sa biktima nga ginkieaea eamang nga “Inday” samtang imaw hay nagabagtas sa kaesada hay nagpundo ro motorsiklo sa anang atubangan ag nangutana kung siin ro lugar it Bitoon. Pagkatapos magtao it direksyon, gulpi nga gindakma segun it driver ro ana nga dughan.
Gindepensahan man ni Inday ro anang sarili ag ginbayo ro driver, ginhana pa nana nga birahon ro eaeaki pero uwa raya natumba sa motorsiklo.
Ginpa-blotter eun it biktima sa Jaro Police Station ro eaeaki.
Base man sa Punong Barangay nga si Edgar Arañador, tatlo eun ka beses eun nga natabo ro nasambitan nga inisdente sa andang lugar ag ro ginkieaea nga suspek hay kaitsura it eaeaki nga nangutana kay alyas Inday./JIL B. LACSON