Dakop sa CCTV ro sangka eaeaki nga naka underwear eamang nga naghana nga sudlon ro sangka baeay sa Esterville Subdivision Brgy. New Buswang, Kalibo, Aklan.
Base sa report, bandang alas 9:30 it gabii kat mapan-uhan it tag-ana it baeay nga matsa may tawo rasun nga nagtawag eagi sanda it pulis.
Pero sa pagresponde it Kalibo PNP hay nakapaeagyo eon ro owa pa makilaea nga suspek nga nasayuran nga daywang beses eon gali nga naghana nga sudlon ro nasambit nga baeay.
Sa makarun hay padayun pa ro imbestigasyun sa insidente eabi pa ag uso eonman ro panakawan sa banwa it Kalibo. / ANN DESLENE SALAZAR