Sa paghaeuga it quarantine restrictions nga ginpatuman agud mabuhinan ro pagkalat it covid-19, nagtaas ro employment rate sa Western Visayas sa pag-umpisa it third quarter it dag-on.
Base sa datus halin sa Department of Labor and Employment (DOLE) nagapakita nga ro employment rate sa Region 6 hay nag abot eon sa 93.26 it Hulyo ku nagtaliwan nga dag-on, mas mataas sa 92.5 ku Abril ag 90.9 it Enero.
Maabu eon nga establisyemento ro amat-amat nga nagbukas partikular sa syudad ag probinsya it Iloilo nga naging rasun it pagbalik it mga empleyado sa andang trabaho.
Ginaeauman eon ro mas nga pagtaas it employment rate eabi ag kaabuan sa mga lugar sa Western Visayas hay ginhaeugaan eon ro quarantine measures. / ANN DESLENE SALAZAR