NAGBAHAD ang gobyerno sa pipila ka personalidad nga padayong nagpondo sa Communist Party of the Philippines (CPP) ug sa ilang armed wing nga New People’s Army (NPA).
Matud ni Eduardo Marquez, National Intelligence Coordinating Agency (NICA) 12 director human giila sa Anti-Terrorism Council (ATC) pinaagi sa resolusyon isip terrorist organizations ang grupo.
Gitugotan na niini ang Anti-Money Laundering Council (AMLC) nga i-freeze ang bank deposits ug uban assets sa masayran nga indibidwal nga mohatag og pondo sa CPP ug NPA.
Ilawom matud pa sa Republic Act No.10168 o Terrorism Financing Prevention and Suppression Act of 2012. Mahimong mapreso ug matanggal sa serbisyo sa gobyerno ang taga gobyerno nga mapamatud-ang tagahatag og pondo sa CPP-NPA.
Giangkon ni Marquez dunay pipila ka indibidwal sa Soccsksargen nga migula ang pangalan nga tighatag og pondo aron makalihok ang grupo.