Gin-kunfirmar ni Governor Eugenio Jose “Bong” Lacson iya pagasuportahan ang kandidatura ni Vice President Leni Robredo nga nagapapili sa pagka-presidente sang Pilipinas sa Mayo 9, 2022 nga eleksyons.
Ginpahayag ni Gov. Lacson iya ginakunfirmar ang nangin pahayag ni Mayor Renato Gustilo sang syudad sang San Carlos magakampanya, magasuporta kag magaboto siya para kay Robredo sa palaabuton nga piniliay. Sandig pa sini, indi na malipod kag natalupangdan na sang kadam-an kun si sin-o ang iya kandidato sa pagka-Presidente ang iya pagasuportahan.
Suno sa gobernador ang dako nga pagsalig amo ang rasun kun nga-a naghaboy siya sang iya suporta para kay Vice-President Robredo nga mangin presidente sang pungsod.
Nangin palamangkutanon sa Gobernador ang isa ka pamangkot kun sin-o nga persona ang iya ginasaligan sa pag-abot sang Mayo 9 kag para sa iya indi na kinahanglan igapaathag kun nga-a nagasalig siya sa isa ka tawo ukon kandidato.
Ang tinaga nga “pagsalig” amo ang rason sandig kay Lacson pagabutohon niya ang sin-o man nga kandidato nga masalligan.
Handa ang Gobernador sa pagtambong sa proclamation Rally sa tandem nanday Vice-President Leni Robredo kag Senador Kiko Pangilinan diri sa syudad sang Bacolod sa tion ini siya ang paga-imbetaron.