BAG-O na ang labaw sa kapulisan sa GenSan, kini ang gikumpirma ni Police Brig. Gen. Jimili Macaraeg, director sa Police Regional Office (PRO) 12.
Pamahayag ni Macaraeg, miabot ang mandu sa pag-relieve kang Col. Jomar Alexis Yap, isip city director sa General Santos City Police Office (GSCPO), bag-ohay lamang ug kini ang gikan sa kampo krame. Giklaro sa opsiyal nga dili gikan kaniya ang order sa pagkataktak sa pwesto ni Yap. Matud ni Macaraeg, wala siya nasayod kung dunay hangyo si yap nga magpabalhin og laing unit sa PNP.
Hinungdan nga nakabalo na lang siya kalabut niini human naabot kaniya bag-ohay lang ang order kang Yap. Samtang, gikumpirma usab sa opisyal nga si Col. Nicomedes Olaivar Jr., ang Officer Incharge (OIC) karon sa GSCPO. Kahibaloan nga gahapon lang gihulipan si Olaivar sa pwesto ni Col. Deanry Francisco isip labaw sa Sarangani Provincial Police Office.
Si Olaivar ang milingkod isip labaw sa SPPO sulod sa usa katuig ug 11 ka bulan, bag-o kini gihulipan sa pwesto gahapong adlawa. I Richel Gubalani