Wala kawad-e sa paglaom ang Department of Health Northern Mindanao nga makab-ot karong katapusang bahin sa Enero 2022 ang 70% nga herd immunity batok sa COVID-19.
Gibutyag ni DOH-10 Regional Director Dr. Jose Llacuna Jr. nga pakyas nga maabot ang target sa ulahing bahin sa 2021, ilang paningkamotan karon nga ma-angkon na ang population protection.
Una nang gipasabot ni Dr. Llacuna nga misaka karon ang target population sa mabakunahan nga gikan sa 3.55 million ngadto sa 3.87 million tungod gidugang ang 12-17 years old o ang pediatric age group. Sa karon anaa na sa 58.15% ang herd immunity sa Northern Mindanao.