Nakatanggap ng educational assistance ang ilang mga bata sa ilang mga barangay sa bayan ng Daraga, Albay na mula sa lokal na pamahalaan sa pamamagitan ng Municipal Social Welfare and Development Office (MSWDO).
Ito ay binubuo ng kabuuhang bilang na 371 mag-aaral mula sa elementarya, junior at senior high school at sa kolehiyo galing sa 54 mga barangay ng nasabing bayan.
Ang ibinigay na educational assistance ay bahagi umano ng LCPC o Local Council for the Protection of Children Fund mula sa MSWDO kung saan nakatuon itong maprayoridad ang mga anak ng solo parents, PWDs, empowered and re-affirmation of parental abilities (ERPAT), victim of abuse at ang mga children in conflict with the law, maging ang mga indigent.
Ito umano ay taun-taong isinasagawang ng nasabing opisina upang makapagbigay ng tuwang at tulong sa mga benepisyaryo na makapagtapos ng pag-aaral hanggang sa kolehiyo.