Inaprubahan ng PBA ang three-team trade na nagpadala kay Justin Chua sa TNT Tropang GIGA.
Unang ipinadala ng NLEX Road Warriors sina Chua, Paul Varilla at ang second-round pick nito para sa PBA Season 48 draft sa Phoenix Super LPG Fuel Masters.
Bilang kapalit, nakuha ng Phoenix sina Jake Pascual at Sean Anthony. Pagkatapos ay ipinadala ng Fuel Masters sina Chua at Varilla sa Tropang GIGA kapalit nina JJay Alenjandro at Raul Soyud.
Nakuha ng NLEX si Chua noong February 2022 sa Governors’ Cup. May average itong 9.2 points at 4.2 rebounds para sa Road Warriors sa katatapos lang na Commissioner’s Cup.
Ang 10th overall pick sa 2013 PBA Rookie Draft, si Chua ang Defensive Player of the Year noong 2020 nang maglaro para sa Fuel masters.//CA