Ini ang ginpahayag ni Barangay Kapitan Mario Artillero sang ma-interview sang Brigada News FM.
Mahibaluan nga sang nagligad nga adlaw, may yara sang duha ka baboy nga napatay kun sa diin ginkuhaan ini sang blood samples kag didto nahibaluan nga positibo ini sa nasambit nga balatian.
Suno kay Artillero, pwedi sila makapasulod sang baboy sa ila lugar apang hugot gid nila nga ginadumilian ang pagpaguwa sang nasambit nga sapat.
Gintuad man sini nga 24 oras gid ang ila pagbantay sa tatlo ka checkpoint sa ila barangay.
Nagapangayo man ini sang pasaylo sa iya mga nasakupan kun sila ang ginabawalan bangud ginahimo lang nila ang ila trabaho kag masarangan nga indi na maglapta pa sa iban nga kabarangayan sa syudad sang Roxas ang virus nga nagatapik sa mga baboy. | Judy Ann Juare