Walay sanina ug nakabrief lang unya dunay bitbit nga kutsilyo ang lalaking misulod sa usa ka panimalay sa may Calangundian, Barangay Central, Mati City.
Kini ang gibutyag sa usa ka Glaiza Agbas Miguel atol sa eksklusibong pakighinabi sa Brigada Mati diin iyang gisaysay nga ang bag nga una nang gipanawagan sa stasyon sa kahanginan nga nakit-an sa usa ka nagpakabanang residente sa Purok Dalisay Barangay Matiao Mati City, mao matud pa ang nabitbit sa kawatan nga misulod sa ilang panimalay niadtong Huwebes sa -milabay nga simana.
Gibutyag niini nga maayo nalang wala sila unsaa sa suspek gani samtang nangatulog sila igo ra matud pa silang gilakang-lakangan niini ug nagpakaron-ingnun lang matud pa siya nga tulog tungod sa iyang kahadlok.
Giingong ka 4 na ka beses nahitabo nga dunay nangawat sa ilang balay ug duna na matud pay 2 ka mga suspek ang nadala sa stasyon sa mga pulis samtang duna pay nagpabilin nga 2 ang nagtago-tago.
Mapasalamaton kini nga iyang nakuha pag-usab ang iyang bag ug apil sa narekober ang iyang mga ID uban pang mga importante dokumento niini.