Isa ka kota sa rebeldeng New People’s Army (NPA) ang nailog sa tropa sa kasundalohan diha sa utlanang bahin sa Brgy. Mabini ug Brgy. Tagbongabong pulos sakop sa lungsod sa Placer, Surigao del Norte sa nakalabay’ng Dominggo.
Gikabutyag ni Lt Col Ryan Charles Callanta, ang Battalion Commander sa 30th Infantry Battalion Philippine Army, nakasangka sa tropa ang di mo ubos 20 ka mga sakop sa rebeldeng NPA nga gipangulohan ni Alberto Castañeda alyas JD.
Ang grupo ni Ka JD ubos kini sa SYP-Platoon 16C2, Guerilla Front Committee 16, NEMRC.Sa hitabo, paspas nga ni-atras ang kaaway resulta sa pagkailog sa kampo sa kaaway.
Narekober sa maong lugar ang M16 Rifle, Detonating Cord for IEDs, Charging device sa commercial two-way radio, 5 ka kilong bugas, nagkadaiyang tambal, gamit pangluto, mga tolda, ug subersibong dokumento.
30IB PA