LEGAZPI CITY – Dakop an sarong lalaki sa Purok 5, Sitio Pulot, Brgy. 56 kan Taysan, syudad kan Legazpi huli sa iligal na tupada.
Binisto ining si alyas “Samuel”, 58 anyos.
Susog sa report, nagkondusir ki Intelligence Monitoring on Illegal Cockfighting an Legazpi CPS sa sirangang barangay kan siyudad na nagresulta sa pagkakaarestar kan akusado mantang ini nagpapartisipar inflagarante delicto sa nasambit na aktibidad.
Alagad, an iba pang kairibahan kaini nakatakas sa dai maaramang direksyon.
Narekober man sa lugar an tulong gadan nang pambulang na manok kun sain saro digdi igwa ning tambod asin bet money na nagkakantidad ki PHP113 sa manlain-lain na denominasyon.
Nasa kustodiya na ini kan hepatura kaibahan an mga ebidensya para sa magkakanigong disposisyon.