LEGAZPI CITY – Arestado an sarong lalaki sa operasyon kontra iligal na droga na pigkondosir kan mga otoridad sa Diversion Road, Purok 4, Brgy. San Isidro, banwaan kan Sto. Domingo, Albay.
Binisto an suspetsado na si Henry Balbin y Tagle, 38 anyos, may agom asin residente kan Purok 6, Sitio Antono, Brgy. Fidel Surtida kan kaparehong banwaan.
Susog sa impormasyon, pigkondosir kan Sto. Domingo MPS katabang an PDEA Bicol an nasambitan na operasyon na ikinaarestar kan suspetsado kun sain narekober an heat-sealed transparent plastic sachet nin pinagtutubudang “shabu”.
Ini an item na pinabakal sa poseur buyer kapalit nin PHP500.
Sa pigkondosir man na body search, 4 na transparent heat-sealed plastic sachets nin kaparehong item an nakua kaibahan an kwartang nagkakantidad PHP2,770 sa manlain-lain na denominasyon.
Nasa 0.1 grams an timbang kan mga narekober na item na igwa nin pigkakalkulong kantidad na PHP1,500.
Dinara an suspetsado kaibahan an narekober na mga items sa nasambitang hepatura para sa magkakanigong disposisyon.