Nadakpan sa gahum sang warrant of arrest ang isa ka lalaki nga nagapangatubang sang kaso nga child abuse law sa Barangay Sto. Rosario, Jamindan, Capiz.
Ginkilala ang akusado kay Juanito Aram Fortaliza, 50-anyos kag residente sang nasambit nga barangay.
Ang mandamiento de aresto gin-isyu kag ginpirmahan ni Honorable Rommel Lacson Leonor, Presiding Judge, Regional Trial Court, Branch 21 Mambusao, Capiz kag napetsahan sang Pebrero 27, 2023.
Ginrekomendar sang korte ang P80,000 nga piyansa para sa temporaryo nga kahilwayan ni Fortaliza.
Sa karon, nagapabilin ini sa paghinakop sang Jamindan MPS para sa nagakaigo nga disposisyon.//KMD Gicalde