Regulasyon nalang una ang himuon sa market administration sa mga vendors sa merkado publiko human nga wala pa mahinayon ang hingpit nga pagpapahawa kanila sa ilang ginatindahan matag adlaw.
Sa kumpermasyon ni Market Supervisor Lito Esclamado wala pa nila nabalhin ang mga vendors nga nagatinda sa tunga nga bahin sa Phase A ug Phase B Public Market, sa Cagampang ug Casquejo gumikan wala pa gihapon nila na-andam ang lugar nga kabalhinan sa mga nahisgutan.
Ang lugar nga gikaingong kabalhinan sa Alunan area ug nagkinahanglan daw sila og mga heavy equipment gikan sa City Enginnering Office aron mapatag ang lugar, apan wala pa daw nahimo ang ilang request gumikan aduna pay nauna nga gi-atiman ang rngineering.
Tungod niini samtang wala pa nabalhin ang mga naga laray sa sulod ug gawas sa merkado regulasyon nalang ang ilang himuon dala sa konsiderasyon nga tungod sa pandemya nagatinda ang mga tawo aron nga aduna usab ikapalit bugas og sud-an sa pamilya.
Kahibaluan nga una na nga gi-anunsyo ni Market Program Officer Ben Sargado kaniadtong Hunyo nga takda nga ibalhin ang mga vendors aron mahawan ang palengke butang nga gisupak usab sa mga vendors sa rason nga hinay ang palit kung malayo sila sa isdaan ug karnehan. ( Ever Diazon)