Nagpatigayon sang sinapol ang katapo sang LGU Jamindan nahanungod sa nagapadayon nga kontruksyon sang Public Market sa amo nga banwa.
Ang nasambit nga sinapol ang ginpangunahan ni Mayor Mac Valdemar.
Gintalakay sang mga opisyales ang padayon nga pag-improbar kag preparasyon sa palaabuton nga pagbukas sang bag-o mga Public Market.
Nasentro man ini sa mga vendors kag mga pumuluyo para sa mas komportable kag mas madali ang pagbaligya kag pagpanindahan.
Amat-amat naman nga ginadihon ang ordinansya para sa nga patakaran kag operasyon sang tindahan, traffic regulation, proposal para sa mga balayran sa puesto kag iban pa.
Padayon man ang ila pagsuporta sa mga proyekto para sa ikaayo sang tanan kag para sa banwa.
Matandaan nga ang pagpakaayo sang Public Market, isa ka multi-year project sang administrasyon halin sa development fund sang amo nga munisipalidad. | Judy Ann Juare