KORONADAL CITY — TULUYAN nang tinapos ng Land Transportation Franchising and Regulatory Board o LTFRB Region-12 ang “Libreng Sakay Program” nito para sa mga frontline medical workers at authorized persons outside residence o APOR.
Sa panayam ng Brigada News FM Koronadal kay LTFRB-12 Regional Director Paterno Reynato Padua, kinumperma nito na tapos na noong Hunyo 30 ang Libreng Sakay dahil hanggang sa nasabing petsa lamang ang pondo na inilaan sa LTFRB-12 para sa nasabing programa.
Ito’y dahil mula sa Bayanihan to Recover as One Act o Bayanihan II ang pondo na nag-expire na rin noong Hunyo 30. Dagdag pa ni Padua na babalik lamang ang programa sakaling maglalaan muli ng pondo ang gobyerno para dito. Dito sa South Cotabato, isa sa kinontrata ng LTFRB-12 ang Yellow Bus Lines Incorporated para sa nasabing programa.