KORONADAL CITY – NAGLAGAY ng apat na free drinking stations ang local government unit o LGU Tampakan sa mga lugar na madalas dinadagsa ng mga tao.
Ayon kay Municipal Mayor Leonard Escobillo na dalawa sa mga ito ay inilagay sa public market, isa sa public terminal at isa sa Catholic Church.
Layon nito na mabigyan ng libreng tubig na maiinom ang mga mamamayan lalo na nag mga tricycle drivers at mga namamalengke upang makaiwas sa dehydration at heat stroke sa gitna ng nararanasang mataas na heat index.
Matatandaan na isa sa mga panawagan ng mga health authorities ang pag-inom ng maraming tubig upang maiwasan ang dehydration. Samantala, nagsu-supply na rin ng tubig ang LGU sa mga sitios ng mga barangay na walang sapat na water source katulad ng Barangay Lampitak at Barangay Liberty.
