GILAOMAN pa ang pagsaka sa damyos sa agrikultura sa rehiyon sa padayong pagkasinati sa dry spell dala sa El Niño.
Sa datus gikan sa Department of Agriculture (DA) 12 naa na sa P201 milyon sa agrikultura lakip ang livestock.
Matud ni Roberto ‘Toto’ Perales, bag-ong Regional Executive Director sa DA-12 makig-estorya siya sa National Irrigation Administration (NIA).
Aron matabangan ang mga mag-uuma nga gikulang na og suplay sa tubig nga mahatagan og tubig alang sa ilang umahan.
Samtang sa GenSan, kinatibuk-ang P6.7 milyon na ang natala nga production loss gikan sa pito ka agricultural barangay.
Asa 114 ka ektarya sa umahan ug 104 ka mag-uuma ang apektado sa maong kalamidad.
Sa bahin ni Merlinda Donasco, City Agriculture Officer luyo sa maong ihap dili makwalipikado ang GenSan nga mapailawom sa state of calamity. Samtang dunay P24 milyon nga budget ang LGU aron matabangan ang mga mag-uuma gawas sa tabang gikan DA. I Richel Gubalani