Nasa proseso ngayon ang Incident Management Team of Puerto Princesa ng pagbuo ng COVID-19 surge plan.
Ito ang tinututokan ngayon ng local health authorities sa posibleng pagpasok ng Delta variant sa lungsod.
Una nang sinabi ni IMT Commander Dr. Dean Palanca sa Brigada News FM na walang katiyakan na hindi makakapasok sa Puerto Princesa City ang Delta variant ng coronavirus disease (COVID-19) na mas nakakahawa na unang natuklasan sa India kumpara sa Alpha variant na unang napaulat sa United Kingdom.
Samantala, nagpadagdag na rin ng Oxygen tank sa Isolation Facilities at ayon kay facility chief Dr. Eunice Ponce de Leon- Herrera ay kailangan pa rin itong dagdagan.
Pinangangambahan kasi na baka matulad sa Cebu City ang lungsod ng Puerto Princesa dahil sa dami ng pasyenteng kailangan i-accommodate.