Patay ang usa ka lola ug lolo sa nahitabo nga sunog sa P-15, CMU-Musuan, Dologon, Maramag, Bukidnon.
Naila ang biktima nga si Fedencio Joromat, 89-anyos ug asawa niini nga si Condrada Joromat, 83-anyos.
Migawas sa imbestigasyon nga sa wala pa nahitabo ang sunog, gipapalit sa magtiayon nga senior citizen ang ilang apo og kandila tungod sa nawala ang suplay sa kuryente.
Gumikan way kuryente, sayo nangatulog ang magtiayon nga senior uban sa ilang tulo ka apo.
Kalit lang matud pa sila nga ningmata tungod sa kalayo homan nasab nga misinggit ang lola nga ipa-una og gawas ang mga apo.
Nakagawas ug nakaluwas sa sunog ang 3 ka apo, apan ang mag lolo ug lola pakyas na nga nakagawas maoy hinungdan nga lakip silang nasunog.
Sa karon padayon ang imbestigasyon sa otoridad kalabot sa maong sunog.