“MAPALITAN lang nako siya og school supplies kung maka-renew ko sa 5/6,” kini ang gibutyag ni Margie Sanchez, taga Purok Nopol, Barangay Conel, GenSan nga dunay anak nga grade 3.
Hinungdan nga dako ang pasalamat niya nga nalakip ang iyang anak nga si Maria Kylie, 7-anyos, grade 3 pupil og school supplies.
Butyag ni Marie Kylie, nalipay siya sa nadawat nga school supplies nga magamit na niya sa pagtubag sa iyang mga modules.
Sa pamahayag sa Ama ng Brigada, Idol Brigada Elmer V. Catupos, angayang makita ang importansiya sa kabantan-onan sa “nation building’.
Hinungdan nga angayang masiguro ang paghatag kanila sa saktong edukasyon ug kaalam aron makatabang sa lig-on nga pundasyon sa nasud.
Si Idol Brigada Elmer, ang nangunay mismo sa pagtunol sa schools supplies sa mga kabataan nga anak sa mga benepisyaryo sa Kabrigadahan- GenSan sa maong lugar.