GIPANGANDAM na sa Civil Aviation Authority of the Philippines (CAAP) sa GenSan ang posibleng pagpatuman sa ‘no flight operations’ sa Mayo 3 ug 17.
Kini dungan sa eskedyol nga corrective maintenance sa Philippine Air Traffic Management Center (ATMC), CAAP nga una nang gianunisyo. Matud ni Joel Gavina, manager sa CAAP-GenSan ang posibleng pag-undang diriyot sa operasyon ang gipangandaman na nila. Pinaagi sa pagbutang og ‘Malasakit help’ desk aron moatiman sa panginahanglanon sa mga pasahero ugaling moabot ang scenario.
Gitakda ang schedule alas-2 sa kadlawon hangtud alas-4 sa kadlawon sa Mayo 3 samtang gikan alas-12 sa tunga’ng gabii hangtud na alas-6 sa buntag, gitakda ang pag-undang sa operasyon sa Mayo 17 sa paghuman sa gihimong maintenance activity.
Samtang, tungod usab sa power outage sa Ninoy Aquino International Airport (NAIA) terminal 3 usa ka flight ang nakansela gahapon samtang duha ang nadelatar. I Richel Gubalani