GIPAHIGAYON karon ang man-hunt operation batok sa suspetsado nga gitoohang mi-hold up sa usa ka 7/11 Convenience store nga nahimutang sa may Limketkai Luxe Hotel, Brgy. Lapasan ning siyudad sa Cagayan de Oro.
Sa impormasyon nga gipagula sa Police Station 2 Cogon sa pagpanguna ni Police Major Julius D. Saluta kaganinang pasado Ala-1 sa kadlawon samtang ang 1 ka trabahante sa convenience store anaa sa storage room kalit lamang misulod ang 1 ka lalaking armado, naka-helmet og itom, naka jacket ug pink nga scraf ang mi-deklara og hold-up pinaagi sa lenguahi nga tagalog sa cashier sa maong tindahan.
Dugang niini nga kalit usab kining mi-ikyas gamit ang wala pa masuta nga klase sa motorsiklo dala ang salaping cash nga mokabat sa 14-mil ka pesos.
Gisuta na usab karon ang CCTV sa tindahan nga posible kining makatabang sa follow-up investigation nga gipahihayon sa kapulisan.
Samtang ang maong kaso gi-refer una sa maong Police Station alang sa tokmang disposition kabahin niini . – END – (AD)