MAG-ATUBANG karon sa tokmang kaso ang usa ka 56-anyos nga Security Guard, Residente sa Manolo Fortich, Bukidnon diin gitoohang suspetsado sa pagpang-hold-up sa usa ka Habal2 driver ning siyudad sa Cagayan de Oro.
Sa report nga gipagula sa Police Statiuon-4 Carmen nga gipangulohan ni Police Major Mario Mantala Jr. misakay ang suspetsadong lango sa ilimnong makahubo sa Centrong bahin ning siyudad aron magpahatod sa may hinterland area apan pag-abot sa may hilit nga dapit kalit lamang kining mi-deklara og hold-up gamit ang kalibre 38 nga pistola.
Sa paghunong sa habal2 driver aron kuhaon ang salapi sa iyahang u-box nakahigayon kini sa pag-ikyas ug pagpangayo og tabang sa pinakadool nga otoridad.
Gipabuthan kini sa suspetsado apan swerteng wala kini ma-igo ang biktima.
Hilayong nakapangayo og tabang ang biktima sa mga Otoridad og gibalikan ang area nga mi-resulta sa pagkasikop sa suspetsado.
Samtang karon detenado ang suspect sa Police Station-4 Carmen alang sa tokmang pagpahiluna niini . – END – (AD)