GIPAHINUMDOMAN sa labaw sa City ENRO ang katawhan nga manuroy ug mangaligo sa beach resorts sa General Santos City nga mahimong responsabli sa paglabay sa mga basura.
Segun ni City ENRO Head Allan Marcilla gisulti niini nga sa Holy Week taas ang bakasyon sa mga tawo mao nga may panahon sa pagpanuroy ug dili malikayan ang pagkatag sa mga basura.
Usa ka pamilya ang naabtan sa Brigada News Team nga naligo sa Queen tuna park, ang pamilya Enumerables gikan sa Barangay Lagao.
Segun kang Thelma nga naligo sila isip bonding sa pamilya ug dili tungod sa Holy Week, gipakita usab niini sa camera nga ilang gisulod sa plastic ang ilang mga panit sa prutas ug ubang basura ug wala gisalibay sa daplin sa baybay. I Ver Diazon