Nasakote ang isang lalaking wanted person matapos ang ikinasang operasyon ng pinagsama-samang pwersa ng awtoridad sa Barangay Gatasan, Catanauan, Quezon nitong Linggo, Marso 5.
Kinilala ang naarestong akusado na si Bonifacio Prado, tubong Tanauan City, Batangas at residente ng naturang lugar.
Alinsunod sa warrant of arrest, ang akusado ay may kinakaharap na kasong Rape sa ilalim ng criminal case number CR 14-07-7372 sa Branch 83, Regional Trial Court, Tanauan, Batangas.
Samantala, halagang ₱200,000 naman ang inirerekomendang piyansa para sa akusado.
Kasalukuyan ng nasa kustodiya ng awtoridad ang akusado para sa kaukulang dokumentasyon at disposisyon.