Gin-atake sa korason kag indi pagpangluthang ang gintunaan sang kamatayon sang isa ka mangunguma nga napatay sa Brgy. Carataya, Maayon, Capiz.
Ginkilala ang biktima kay alyas “Edwin,” 45-anyos samtang ginatudlo suspek amo si alyas “Mario, 49-anyos kag Kapitan sang nasambit nga barangay.
Matandaan nga sa inisyal nga imbestigasyon sang Maayon Municipal Police Station, nga nagkompronahanay ang duha rason nga nagbunot sang armas ang suspek kag ginluthang sa abaga ang biktma.
Base sa post mortem examination, wala sang exit point sang bala sa lawas sang biktima.
Samtang narekober sa crime scene ang bala nga naglupok nga gina-alegar halin sa .45 caliber nga armas.
Nahibaluan nga mag-bayaw man ang biktima kag suspek.
Sa karon, nagapabilin nga at-large ang suspek kag padayon ang hot pursuit operation sang mga kapulisan.| Frances Joy Preciosa