Nanawagan si Pangulong Ferdinand Marcos Jr. sa Philippine Air Force na patuloy na makipagtulungan sa administrasyon sa pagpapanatili ng kapayapaan at seguridad ng bansa.
Bahagi ito ng mensahe ng Chief Executive sa ginanap na change of command ceremony sa Philippine Air Force at ang pagreretiro Lieutenant General Connor Anthony Canlas Sr. kahapon kung saan kinilala niya ang mga tagumpay na nakamit ng organisasyon sa ilalim ng dating pinuno nito.
Si General Canlas ay pinalitan ni Major General Stephen Parreño bilang PAF commanding general.
Umaasa ang Pangulo na sa pamamagitan ng sama-samang pagsisikap ng Air Force ay makakamit ang layunin na lumikha ng world-class air force na magpapanatili ng kapayapaan at mag-aambag sa national development at regional security sa bansa.
Nangako rin si Marcos na patuloy na susuportahan ng kanyang administrasyon ang pagkamit ng mga layuning ito.//CA