Bigo si Pinoy boxer Mark Magsayo sa kaniyang kampanya para makuha ang WBC interim featherweight title kontra Brandon Figueroa sa kanilang sagupaan sa Toyota Arena sa Ontario, California kahapon.
Tinalo siya ni Figueroa via unanimous decision.
Nagpakawala ng mga solidong suntok si Magsayo sa unang bahagi ng laban ngunit ipinamalas ng Mexican fighter ang kanyang pressure style hanggang sa pagtatapos ng laban para makuha ang panalo.
Si Figueroa ay mayroon na ngayong 24-1-1, na may 18 knockouts at may karapatan nang harapin ang “regular” featherweight titlist ng WBC na si Vargas. Si Magsayo naman ay bumagsak sa 24-2 na may 16 KOs.//CA