Nisang-at og indefinite leave si Cebu City Mayor Edgardo Labella sugod kagahapong adlawa Oktubre 8, 2021
Gikumpirmar ni City Administrator Floro Casas, Jr., nga gilugwayan ni Mayor Labella ang iyang leave subay sa tambag sa iyang doktor alang sa iyang hingpit nga kaayohan.
Nasayran nga ang Mayor, nakasinati ug daghang mga sakit, diin sulod lang niining tuiga, makadaghan usab kining mi -leave sa trabaho human nalandig sa ospital.
Hinuon, gipasalig niini, nga dili mo-resign ang Mayor sa iyang katungdanan ug homanon niini ang iyang termino sa Hunyo 30, 2022.
Giangkon ni Casas nga posibleng molapas pa sa 30 ka adlaw ang leave ni Labella, nga nagpasabot nga mahimo nang mag appoint ug manangtang og trabahante sa City Hall si Acting Mayor Mike Rama subay sa lagda sa Department of Interior and Local Government.////