Umalboroto ru mga meat vendors sa Numancia Public Market matapos baweon it LGU-Numancia ru pagbaligya’t karneng baboy makarong adlaw, May 25, 2023.
Suno sa sangka vendor, dapat taw-an sanda it espasyo sa sueod it public market dahil naga bayad man sanda it stall ag kaabu-an kanda hay naga pangatubang it hypertension.
Naka adto eon sigun sanda sa taeatapan ni Numancia Mayor Jeserel Templonuevo para maghinyo apang nagpangayo it pagpasaylo ru alkalde dahil nakasueod eon sa nasambit nga municipalidad ru African Swine Fever (ASF).
Base sa stakeholder’s meeting ku nagtaliwan nga adlaw, gina bawae ru pagpasueod ag apgpaguwa it it baboy sa kada barangay.
Samtang, ginklaroman sa mga nag-atender nga uwa eon naga baton it pagkatay it baboy sa slaughter house sa Brgy. Badio sa nasamit nga banwa.//MARIVIC Y. ILIN