Nakabatun ro mga kabaranggayan sa banwa it Kalibo it mga close circuit television (CCTV cameras).
Ro nasambit nga mga CCTV hay gintao it LGU Kalibo.
Ro mga barangay nga unang nagbatun kahapon, Marso 1 it CCTV hay ro Estancia, Andagao, New Buswang, Mobo, Bakhaw Norte, Caano ag Mabilo.
Kada barangay hay nakabatun it sangka unit it monitor, CCTV camera, digital video recorder ag iba pa.
Suno man sa mga barangay officials, mabahoe nga bulig ro mga bag-ong unit it CCTV para mapunggan ro mga krimen kaparehu it panakawan ag madali nga makita kung may aksidente sa andang lugar. / ANN DESLENE SALAZAR