Nakarekord ro bieog nga Western Visayas it 332 ka mga indibidwal nga namatay sa natabo nga 5,490 vehicular accidents sa mga buean it Enero hasta Oktubre makarang dag-on, base sa datos it Police Regional Office 6 (PRO-6).
Ro probinisya it Iloilo ro nagrekord it pinakamataas nga numero it aksidente sa kaesada nga naga-abot sa 1,687 nga ginsundan it Iloilo province nga may 1,565; Negros Occidental nga may 777; Capiz nga may 743; Aklan nga may 249, Antique nga may 211; Bacolod City nga may 171; ag Guimaras nga may 87.
Kaabuan sa mga aksidente sa kaesada hay motorsiklo ro imbolbado, base kay Police Lieutenant Colonel Arnel Solis, spokesperson it PRO-6.
Nakarekord ro rehiyon it 3,224 motorcycle crashes, 2,721 private vehicle accidents, 228 jeepney accidents ag 122 heavy equipment crashes.
Kaeakip sa mga rason it mga aksidente hay kakulangan sa road signage, road under repair, aberya it seakyan, ag iban pa./JIL B. LACSON