Mada katungod an mga School Head nga igsuspindir an face-to-face classes ha tagsa eskwelahan matungod ha gin-aabat nga mapaso nga panahon.
Ini in nakabase ha DepEd Order No 37, s. 2022 ngan DepEd Memorandum No. 2023-077 nga iginpalusad yana nga Abril.
Basar ha DepEd, nga an principal o mga school heads an nakakakita ha sitwason han ira tagsa eskwelahan kun diin puydi hira magpatuman hin class suspension ngan igbalik la anay an modular o blended learning scheme.
Mababaruan nga damo na nga mga estudyante ngan magturotdo an naaraba matungod ha mapaso hin duro nga panahon nga kun diin mayda na nahireport nga nagkadidismayo nga mga estudyante ha sulod han ira mga classroom.
Samtang, subay ha Tacloban City DepEd Division nga mayda mga healthcare professionals nga naglilibot ha mga eskwelahan agud maseguro an katalwasan han mga estudyante ngan magturotdo yana nga mapaso an panahon.