MISMO ang mga naglangkob sa Kalilangan Festival 2023 ang gaawhag karon sa mga miyembro sa media ingon man mga vloggers nga ipakaylap ang Kalilangan Festival 2023 aron mahibaw-an sa kadaghanan.
Matud ni Kalilangan Festival Co-Chair MSU GenSan chancellor Usman Aragasi nga dakong tabang ang mga vloggers ug media sa pagpakatag sa mga impormasyon kalabot sa mga aktibidad ug programa sa Kalilangan.
Kabahin matud pa ang media ug vloggers nga parte sa selebrasyon mao nga hugot niya kining gipasalamatan.
Dungan usab sa Festival launching ug press conference, giawhag ni
Festival Director City Administrator Shandee Llido Pestaño ang katawhan nga saksihan ang mga kalingawan nga giandam.
Anaa usab ang chair sa Committee on Transportation sa Sangguniang Panlungsod, Kagawad Elizabeth Bagonoc nga nagtuo nga subli na usab mabutang sa hall of famer ang Kalilangan Festival sa GenSan.
Ang soft opening sa Kalilangan festival ipahigayon Febrary 14 alas 4 sa hapon sa Oval stage asa gilauman nga mahimong nag-unang dinapit si Vice President Sara Duterte Carpio.
Photo by LGU GenSan