Nabuthan og landmine ang tropa sa kasundalohan dihang nihimo kini’g clearing operation diha sa Brgy. Tinago, lungsod sa Malimono, Surigao del Norte pasado ala – 1:00 kagahapon sa hapon.
Ang nahisgotang lugar mao ang gi-pwestohan sa mga sakop sa Guerilla Front 16, North Eastern Mindanao Regional Committee (NEMRC) dihang gihasi ang CAFGU Patrol Base sa 29th Infantry Battalion Philippine Army sa maong barangay.
Gikabutyag ni Tinago Kapitan Samson Macarine, 5 ka sundalo ang samdan dihang nabuthan sa gitanom nga landmine sa mga kaaway.
Sa maong ihap, 2 ang naigo sa splinter sa ulo ug hawak samtang ang laing tulo, naka-angkon og mga garas sa tiil.